Poetry "Mujhe Kanch Ki Chooriyan La Do Na"

Mujhe Kanch Ki Chooriyan La Do Na,

Hathon Se Apne Pehna Do Na,

Hari, Neeli, Peeli Aur Kali Bhi

Mujhe Saaray Rang Hi Bhatey Hain,

Bas Rang Ho Jin Mein Chahat Ke

Mujhe Wo Chooriyan La Do Na,

Jab Door Tum Mujh Se Jao Ge,

Ye Chooriyan Mujhe Behlaein Gi,

Meri Kaanch Kalai Nazuk Si,

Mujhe Nazuk Chooriyan La Do Na,

Tere Hijar Ke Lamhon Mein Ay Sathi...

Ye Geet Tumhare Gaein Gi,

Tum Laut Kar Jaldi Ghar Aana,

Mujhe Kanch Ki Chooriyan Pahnana,

Mujhe Kaanch Ki Chooryan La Do Na,

Apne Hathoon Se Pehna Do Na.