Mohabbaton Main Kuchh Aise Bhi Haal Hote Hain,
Khafa Hon Jin Se Unhi Ke Khayal Hote Hain ...
Machalte Rehte Hain Zehnon Main Waswason Ki Tarhan,
Haseen Log Bhi Jaan Ka Wabaal Hote Hain ...
Main Dil Ke Zakham Chhupaon Teri Tarhan Kaise,
Ke Tere Paas To Lafzon Ke Jaal Hote Hain ...
Bas Ek Tu Hi Sabab To Nahin Udaasi Ka,
Tarhan Tarhan Ke Dilon Ko Malaal Hote Hain ...
Siyah Raat Main Jalte Hain Jugnuon Ki Tarhan,
Dilon Ke Zakham Bhi Kitne Kamaal Hote Hain .....
