Safar tanha nahi karte
Suno aisa nahi karte
Jise shafaaf rakhna ho
Usy mela nahi karte
Safar jiska muqadar ho
Usy roka nahi karte
Teri aankhe'n ijazat de'n
To ham kya kya nahi karte
Chalo tum raaz ho apna
Tumhe'n afsha nahi karte
Jo dhun ho kar guzarnay ki
To phir socha nahi karte
kabai hansnay se darte ha'n
kabhi roya nahi karte...
Teri aankho'n ko parhtay ha'n
Tujhay dekha nahi karte
Ye unchay pair kese hi'n
Kahe'n saya nahi karte
Sahar se pooch lo "Mohsin"
Ke ham soya nahi karte.....
